The Blue Point

Tuesday, September 16, 2014

BUNGE MAALUM LA KATIBA YAHITIMISHWA RASMI


Na Benedict Liwenga, MAELEZO-Dodoma
HOJA ya kusitisha Bunge Maalum la Katiba imehitimishwa rasmi Kisheria kwa Mahakama Kuu ya Jamhuri ya Muungano wa Tanzania kutamka kwamba bunge hilo linaweza kuendelea na shughuli zake.
Taarifa hiyo imetolewa jana 15 Septemba, 2014 na Mjumbe wa Kamati namba Tano, Mhe. Dkt. Asha-Rose-Migiro wakati wa mjadala wa jioni bungeni hapo.
Akisoma taarifa hiyo, Dkt. Migiro amesema kuwa mjadala wa kusitisha bunge umefungwa rasmi hapo jana licha ya kuwepo kwa madai kuwa bunge hilo halina uhalali wa kisiasa.
"Kwaajili ya kuondoa shaka yoyote ningependa kuwaambieni takwimu tulizonazo hivi sasa, bunge hili lina jumla ya Wajumbe 630, kati ya hao waliotoka ni wajumbe 130 ambao ni sawa na asilimia 21% tu ya wajumbe wote, wajumbe waliobaki ndani ya bunge ni 500 hii ni sawa na asilimia 79% ya wajumbe wote na tukizichambua takwimu hizi, ningeomba kutambua wingi wa Kundi la 201", alisema Dkt. Migiro.
Akikanusha juu ya kuwepo kwa dhana iliyojitokeza ya kwamba wajumbe waliobaki ndani ya bunge hilo ni wa aina moja, Dkt. Migiro alisema kuwa taarifa hizo si za kweli, kwani kati ya wajumbe 500 walioko ndani ya bunge hilo wajumbe wanaotokana na kundi la 201 ni wajumbe 189 ambapo wajumbe wanaotoka Tanzania bara jumla yao ni 348 na kati ya hao, 125 ni wajumbe wanaotoka katika kundi hilo la 201.
"Ukitazama takwimu hizi kwa jicho lolote lile basi wajumbe wa 201 ni sehemu kubwa na ni sehemu muhimu ya wajumbe hawa waliobaki", alisema Dkt. Migiro.(Martha Magessa)
Akizungumzia juu ya wajumbe toka upande wa Zanzibar, Dkt. Migiro alisema kuwa wajumbe waliobaki ni 152 na kati ya hao wajumbe 64 wanatokana na kundi la 201.
"Tunasisitiza takwimu hizi kwa wajumbe wa 201 kwasababu wajumbe hawa ndiyo wajumbe ambao kwa wingi wao kitakwimu lakini pia kwa wingi wao kimakundi wanawakilisha sura zote Kitaifa, hivyo ni dhairi kwamba kwa namna yoyote ile waliobaki ndani ni wengi, ni idadi kubwa, ni idadi wakilishi na tukiangalia kwa takwimu hizi, wajumbe walioamua kususia bunge kwa pande zote mbili hizi hawafikii hata theluthi moja ya wajumbe waliobaki", alisisitiza Dkt. Migiro.
Kwa kuzingatia matakwa ya kisheria, Dkt. Migiro alieleza kwamba uamuzi upatikane kwa maridhiano, kwa majadiliano na kwa kushawishiana kwa hoja wajumbe waliobaki na walio wengi wanaweza wakatumia wingi wao na wana uhalali wa kisiasa na wa kisheria.
Dkt. Migiro aliendelea kusema kuwa, wajumbe waliotoka hawakuona kuwa utaratibu huo ungekuwa na manufaa kwao licha ya kuwepo na maridhiano katika bunge hilo, pia kupitia wadau mbalimbali Vyama vya siasa vyote vimekuwa vinazungumza nje ya bunge kupitia Msajili wa Vyama vya siasa, kupitia Kituo cha Demokrasia (TCD) na kupitia Rais wa Jamhuri ya Muungano wa Tanzania, Mhe. Dkt. Jakaya Mrisho Kikwete.

Rais wa Marekani kutuma Wanajeshi 3,000 kupambana na Ebola


Nchini Liberia wagonjwa wa Ebola wamekuwa wakionekana barabarani huku wapita njia wakiogopa kuwashika.
Nchini Liberia wagonjwa wa Ebola wamekuwa wakionekana barabarani huku wapita njia wakiogopa kuwashika.
Rais wa Marekani Barack Obama anatarajiwa kutangaza siku ya Jumanne mipango ya kutuma vikosi vya wanajeshi 3,000 nchini Liberia kwa ajili ya kupambana na virusi vya Ebola, wamesema maafisa wa Marekani.
Inaeleweka kuwa jeshi la Marekani litajenga vituo vipya vya kutolea huduma na kusaidia kuwafundisha madaktari.
Kumekuwa na ukosoaji dhidi ya jumuiya ya kimataifa kupuuzia mlipuko huo.
Wagonjwa wa Ebola ambao ni raia wa Marekani wamekuwa wakisafirishwa na kupewa matibabu ya teknolojia ya juu.
Wagonjwa wa Ebola ambao ni raia wa Marekani wamekuwa wakisafirishwa na kupewa matibabu ya teknolojia ya juu.
Siku ya Jumatatu Rais wa Ghana John Dramani Mahama alisema msaada wa haraka nawa ziada unahitajika na kwamba ungepunguza kusambaa kwa haraka ugonjwa huo.
Lakini pia Bwana Mahama alisema vikwazo walivyowekewa mataifa ya Afrika Magharibi kumezorotesha mapambano dhidi ya maradhi hayo.
Maafisa wa Umoja wa Mataifa watajadili majibu ya jumuiya ya kimataifa dhidi ya mlipuko wa Ebola Afrika Magharibi kwenye mkutano mjini Geneva.

Monday, September 15, 2014

MISS TANZANIA YA 2014 KAZI IPO


Wanyange 30 watakaowania taji la Redd's Miss Tanzania 2014, wameingia kambini leo kwenye hoteli ya JB Belmint iliyoko katikati ya Jiji la Dar es Salaam kwa ajili ya kujiandaa kwa shindano hilo.


Warembo hao waliwasili kwenye hoteli hiyo kwa nyakati tofauti, kuanzia saa 12 jioni na kupokewa na waandaaji wa shindano hilo.



SIMBA ILIVYOTA SARE NA NDANDA


SIMBA imeendelea kwenda mwendo wa kusuasua katika mechi zake za kujiandaa kwa michuano ya ligi kuu ya Tanzania Bara baada ya juzi kulazimishwa kutoka suluhu na Ndanda FC.

Katika mechi hiyo ya kirafiki iliyochezwa kwenye Uwanja wa Nangwanda Sijaona mjini Mtwara, vijana wa Ndanda waliwabana vyema wapinzani wao katika vipindi vyote viwili.

Sare hiyo imekuja siku chache baada ya Simba kuchapwa bao 1-0 na URA ya Uganda katika mechi ya kirafiki ya kimataifa iliyochezwa kwenye Uwanja wa Taifa, Dar es Salaam.

Kama ilivyokuwa katika mechi dhidi ya URA, mshambuliaji Emmanuel Okwi alishindwa kuonyesha makeke yake kutokana na kubanwa vyema na mabeki wa Ndanda. Okwi aliingia kipindi cha pili kuchukua nafasi ya Abdalla Seseme.

Jamaa sasa wameanza Ligi


Meneja wa Mancheste United, Louis Van Gaal, amesema sasa wameanza rasmi mbio za kurudisha heshima baada ya kuichapa QPR bao 4-0.
Katika Mchezo huo, Manchester United ilianza na wachezaji wake wapya wanne, wakatia ilipokuwa ikicheza katika uwanja wake wa nyumbani, Di Maria, Rojo, Blind na baadae Kuingia kwa Falcao.
Di Maria ndio alianza kuleta furaha katika uwanja huo baada ya kufunga ka mkwaju wa faulo na kuingia moja kwa moja hadi golini, pia alikuwa ni mtengenezaji wa bao la pili na na latatu pia.

The Argentinian winger was the stand-out performer in a superb Manchester United display
Mabao ya QPR yalifungwa na Di Maria, Herrera, Rooney na la nne likifungwa na Mata.
Septemba 13
FT Arsenal 2 - 2 Manchester City
FT Chelsea 4 - 2 Swansea City
FT Crystal Palace 0 - 0 Burnley
FT Southampton 4 - 0 Newcastle United
FT Stoke City 0 - 1 Leicester City
FT Sunderland 2 - 2 Tottenham Hotspur
FT West Bromwich Albion 0 - 2 Everton
FT Liverpool 0 - 1 Aston Villa
Septemba 14
FT Manchester United 4 - 0 Queens Park Rangers

Soma hapa inshu za Coutinho


Ukiizumngumzia Yanga ya sasa, lazima umtaje kiungo Mbrazili,  Andrey Coutinho ambaye ni moto kwenye kikosi hicho. Coutinho amewateka mashabiki wa Yanga pamoja na wa timu pinzani kutokana na juhudi zake uwanjani ambapo mpaka sasa amecheza mechi nne za kirafiki walizoshinda dhidi ya Chipukizi bao 1-0, Shangani bao1-0, KMKM mabao 2-0 na Thika United bao 1-0 zote akafanya vizuri, hajawahi kuwaudhi watu wanaofuatilia  kiwango chake uwanjani.
Mwanaspoti limemfuatilia kwa umakini Coutinho katika mechi hizo na kugundua mambo makuu matano ambayo ndiyo anayowasumbua nayo wapinzani wa timu anazokutana nazo.
Anajua kufunga
Katika kikosi cha Mbrazili Marcio Maximo, Coutinho anachezeshwa pembeni kwenye winga ya kushoto. Pamoja na kuchezeshwa nafasi hiyo ni hatari sana   ndani ya18 kutokana na uwezo wake wa kufunga mabao tena kwenye nafasi ngumu.
Anaongoza kwa idadi ya mabao kwenye kikosi cha Yanga baada ya kufunga mabao mawili sawa na Mbrazili mwenzake, Genilson Santos ‘Jaja’. Mabao hayo, moja aliwafunga Shangani na lingine  KMKM zote za Zanzibar.
Ana nguvu za miguu na anacheza sana na kimahesabu na ni fundi katika upimaji wa lango pindi anapotaka kufunga. Ni mara chache anapopata nafasi ya kupiga shuti kisha apaishe au kuutoa nje mpira.
Mipira anayopiga langoni kama haikuwa bao, basi itaokolewa na kipa au mabeki.
Anapotafuta bao, anajua akae eneo gani na kuangalia namna gani atoe  uamuzi sahihi wa kupiga. Coutinho anapokuwa kwenye timu muda wowote anaweza kubadilisha matokeo ya timu kipaji ambacho ni viungo wachache wanacho.
Kuchezesha timu
Mbrazili huyo ni mtaalamu wa kuchezesha timu. Pasi zake fupi na ndefu, zinafika vizuri kwa mtu anayemkusudia. Ikitokea bahati mbaya mahesabu yake yamekataa na kupoteza mpira, atahakikisha anautafuta kwa kukaba hadi mwisho, si yule anayekata tamaa mapema.
Anajua kujiweka katika nafasi nzuri na sasa ana uelewano mzuri na Mnyarwanda Haruna Niyonzima  ‘Fabregas’, Mrisho Ngassa na Geilson Santos Santana ‘Jaja’ na wanatengeneza kombinesheni nzuri.
Akili na ujanja
Mhimili mkubwa wa Coutinho awapo uwanjani ni akili, ubongo wake unafanya kazi na kutoa uamuzi sahihi kwa haraka mno. Anapokuwa na mpira anajua kujipangia majukumu namna atakavyoutumia na anapokuwa hana, anaelewa namna gani afanye ili mambo yaende sawa.
Ni mjanja sana jamaa na kwa taarifa, wale jamaa zangu wenye sifa za kucheza faulo za kijinga, ukimchezea Coutinho anakuumbua. Anapenya sana uwanjani na anateleza mithili ya nyoka.
Kasi na Wepesi
Kiungo huyu hana mwili mkubwa ni saizi ya kati, lakini ni mwepesi mno, anaweza kuwa mbele anashambulia baada ya sekunde chache unaweza kumwona nyuma anazuia. Ana kasi katika kupanda na kuzuia na msumbufu sana, kama beki anayecheza naye hayuko sawa, anaumbuka.
Mguu wake wa kushoto hatari
Coutinho anatumia miguu yote kucheza, lakini ule wa kushoto ni hatari. Ndiyo siraha kubwa kwake, shuti lake linalotoka kwenye mguu huo ni zito. Mabao yake mawili, ameyafunga kwa kutumia mguu huo.
-Makala kutoka Mwanaspoti.co.tz

Iraq na Ufaransa wakutana




Nchi za Ufaransa na Iraq leo wanakutana na kufanya mkutano wa kimataifa mjini Paris ili kukubaliana kwa pamoja,na pia kuweka mikakati ya kulitokomeza kundi la wanamgambo wa dola ya kiislam.
Waziri wa mambo ya kigeni nchini Marekani John Kerry ameeleza kua ameweza kuungananisha takribani nchi arobaini na zote zimekubali kuingia kwenye muunganohuo zikiwemo nchi za Kiarab kulikabili kundi hilo nchini Iraq na Syria.
Ushiriki wa nchi za kiarabu katika mkakati huo kunaongeza nguvu na matumaini ya kupata ushindi wa kampeni hiyo.wakati huo huo baraza la usalama la umoja wa matifa umelaani vikali mauaji ya mateka wa kiingereza David Haines aliyechinjwa na kundi hilo la dola ya kiislam na kuliita tukio hilo kua ni la kuchukiza na la kikatili mno.
Uingereza mpaka kufikia sasa imechukua jukumu la kupambana na kundi hilo angani, na Waziri Kerry amethibitisha kua nchi za kiarab nazo zimethibitisha kujiunga kwenye mashambulizi ya angani.
CHANZO; BBC SWAHILI

Ghana kupata Kocha Mpya


Kwesi Appiah ameamua kuacha kuifundisha Ghana kwa maridhiano na chama cha GFA.
Kwesi Appiah ameamua kuacha kuifundisha Ghana kwa maridhiano na chama cha GFA.
Shirikisho la soka la Ghana (GFA) limesema limeacha ushirikiano na kocha wa timu ya taifa Kwesi Appiah kwa maridhiano ya pande zote mbili.
Kocha wa zamani Milovan Rajevac anatarajiwa kurudi na kuchukua nafasi aliyoishika kati ya mwaka 2008 na 2010.
 Milovan Rajevac anatarajiwa kuchukua nafasi ya Kwesi Appiah.
Milovan Rajevac anatarajiwa kuchukua nafasi ya Kwesi Appiah.
Rajevan alitakiwa kufanya kazi pamoja na Kwesi Appiah kama mshauri wa kiufundi.
GFA imesema itamtangaza mrithi wa Appiah kabla ya mechi ya kufudhu Kombe la Mataifa ya Afrika dhidi ya Guinea.

Mbowe ashinda uenyekiti Chadema


Freeman Mbowe akiwasalimia wajumbe wa Mkutano Mkuu wa Chadema.
Freeman Mbowe akiwasalimia wajumbe wa Mkutano Mkuu wa Chadema.
Mbowe ameshinda nafasi hiyo katika uchaguzi mkuu wa chama hicho uliofanyika katika Ukumbi wa Mlimani City jijini Dar es Salaam.
Nafasi ya Makamu Mwenyekiti Bara imechukuliwa na Prof. Abdallah Safari aliyepata kura 775 za ndiyo huku kura za hapana zikiwa 34 baada ya kuwa mgombea asiye na mpinzani.
Wajumbe wa Mkutano Mkuu wa Chadema wakifuatilia kikao hicho.
Wajumbe wa Mkutano Mkuu wa Chadema wakifuatilia kikao hicho.
Makamu Mwenyekiti Zanzibar ni Said Issa Mohamed aliyepata jumla ya kura 645 huku mpinzani wake Hamad Mussa Yusuph akiambulia kura 163.
Mwenyekiti wa Chadema Freeman Mbowe akiwashukuru wajumbe wa Chadema kwa kumchagua kuwa mwenyekiti wa chama hicho.
Mwenyekiti wa Chadema Freeman Mbowe akiwashukuru wajumbe wa Chadema kwa kumchagua kuwa mwenyekiti wa chama hicho.

Sunday, September 7, 2014

Makubaliano ya amani yakiukwa Ukraine



Mashambulizi nchini Ukraine

Milipuko mikali imesikika katika mji wa Bandari wa Mariupol mashariki mwa Ukraine.
Waandishi walioshuhudia makombora hayo wanasema kuwa kizuizi muhimu cha serikali kiliharibiwa na mashambulizi makali kutoka kwa wapiganaji wanaounga mkono Urusi.
Mji wa Mariupol unaonekana na wapiganaji wanaounga mkono Urusi kama muhimu katika barabara inayoelekea Crimea mbali na kuwa kitega uchumi cha eneo la Donbas iwapo litakuwa huru.
Mwandishi wa BBC katika mji huo amesema kuwa haijulikani iwapo mashambulizi hayo ni ya mda ama ni mwisho wa makubaliano ya kusitisha vita yalioafikiwa siku ya ijumaa.
Awali viongozi wa Urusi na Ukraine walisema kuwa wameridhika kuwa makubaliano hayo yanaafikiwa.
Rais Vladmir Putin na mwenzake wa Ukraine Petro Porishenko walizungumza kuhusu mwafaka huo kupitia njia ya simu.
Shirika la kimataifa la msalaba mwekundu limesema kuwa makombora yaliyalazimu malori ya misaada yaliokuwa yakielekea katika mji unaodhibitiwa na waasi wa Luhansk kurudi.
CHANZO: BBC SWAHILI

Nahodha Neymar aifanyia kweli Brazil


Nahodha Neymar akifuatwa na mlinzi wa Colombia Zuniga. Brazil ilishinda 1-0 mjini Miami.
Nahodha Neymar akifuatwa na mlinzi wa Colombia Juan Zuniga. Brazil ilishinda 1-0 mjini Miami.
Neymar alifunga goli la pekee dakika saba kabla ya mechi kumalizika huku kocha wa Brazil kwa mara pili Dunga akianza kwa ushindi dhidi ya watu 10 wa Colombia mjini Miami.
Mshambuliaji huyo wa Barclona Neymar alifunga kwa mkwaju wa faulu na kukipa ushindi wa kwanza kikosi cha Selecao baada ya kumaliza wan ne kwenye Kombe la Dunia nyumbani kwao Brazil.
Mchezaji mpya wa Manchester United Radamel Falcao alicheza kwa dakika 13 tu.

Thursday, June 26, 2014

Msomea hapa Lupita kuhusu mahusiano yake



 Lupita amezidi kuchukua headlines za vyombo mbalimbali vya habari tangu afanikiwe kuchukua tuzo za Oscar na kutajwa kama mwanamke mrembo zaidi duniani, sasa amethibitisha kuhusu upande wake wa mahusiano kuwa ni kweli ana uhusiano wa kimapenzi na mwanamuziki K’naan kutoka Somalia. lupita-knaan Mara ya kwanza Lupita alikuwa akihusishwa na Michael Fassbender na Jared Leto lakini mwigizaji huyo amekita mizizi yake ya kimapenzi kwa rapa K’naan na wanafuraha na mahusiano yao. Wapenzi hao mara kadhaa wamekuwa wakionekana katika maeneo mbalimbali wakiwa pamoja lakini hawakuwa wakiweka wazi nini kinaendelea kati yao na kufanya watu wahisi tu juu ya uhusiano wao.

Monday, June 2, 2014

Mumewe Flora Mbasha ajitokeza, afichua siri

mbash_18aa9.jpg
Dar es Salaam. Emmanuel Mbasha, ambaye ni mume wa mwimbaji nguli wa nyimbo za Injili, Flora Mbasha amejitokeza hadharani na kusema kwamba atakwenda polisi mwenyewe kujibu tuhuma dhidi yake za kumbaka shemeji yake mwenye umri wa miaka 17.
Faili la tuhuma dhidi ya Mbasha lilifunguliwa Jumatatu iliyopita katika Kituo cha Polisi Tabata (Tabata Shule) wakati shemejiye huyo (jina tunalihifadhi), alipotaarifu kuwa Mbasha alimbaka mara tatu kwa siku mbili tofauti. Kesi hiyo ilipewa namba TBT/RB/3191/2014 na TBT/IR/1865/2014.
Tangu siku hiyo, polisi imekuwa ikieleza kuwa inamsaka Mbasha bila ya mafanikio lakini mwishoni mwa wiki mtuhumiwa huyo aliongea na gazeti hili na kuelezea upande wake wa tukio hilo na kwamba yuko tayari kujisalimisha ili ukweli ubainike.
"Tuhuma dhidi yangu ni za kutengeneza," alisema Mbasha na kufafanua kuwa yote hayo yanatokana na mgogoro wa kifamilia baina yake na Flora na familia yake ambao alisema umedumu kwa siku kadhaa.
"Mimi sijabaka na sijawahi kubaka; sijatenda dhambi yoyote; sijafanya kitu chochote na kibaya haya mambo yote ni ya kusingiziwa tu. Mungu wangu ni shahidi. Na kwa kuwa sijafanya hiyo dhambi kama wanavyodai, basi Mungu wangu atanitetea," alisema Mbasha ambaye anaonekana zaidi kwenye video ya wimbo wa Maisha ya Ndoa alioshirikiana na mkewe Flora.
"Si wamesema wananitafuta, nitakwenda mwenyewe polisi. Nitawasikiliza na nitatoa maelezo yangu. Kama wakinipeleka mahakamani basi ukweli utajulikana... ipo siku kila kitu kitakuwa wazi."
Kabla ya kufunguliwa kwa faili la tuhuma hizo, msichana huyo alipelekwa Hospitali ya Rufaa ya Wilaya ya Ilala (Amana) ambako alifunguliwa faili la matibabu namba 667. Matokeo ya vipimo ambavyo vilifanywa na daktari kung'amua kama binti huyo aliingiliwa vinaonyesha kuwa kulikuwa na mbegu utokaji wa mbegu usio wa kawaida (HVD).
Kadhalika binti huyo alifanyiwa vipimo kuona kama ameambukizwa virusi vya Ukimwi (VVU), pia kupata ujauzito, lakini matokeo ya awali yalionyesha kuwa yupo salama.
Akiwa nje ya kituo cha polisi Jumatatu usiku, binti huyo aliliambia gazeti hili kwamba mara ya kwanza alibakwa mchana Mei 23 na kwamba mtuhumiwa alirudia kitendo hicho Jumapili Mei 25 usiku ndani ya gari katika eneo la Tabata, ambako anadai alifanyiwa kitendo hicho mara mbili.
Hata hivyo, Mbasha alihoji: "Hivi kweli hata kama mimi ni mbakaji, kweli nimbake mtoto wa kumlea mwenyewe mara tatu, yaani Ijumaa halafu nirudie tena Jumapili? Hata kama ni kusingiziwa basi tuhuma hizi zimezidi."
"Huyu binti nimekaa naye miaka mingi na sijawahi kumfanyia hivyo. Hapo nyumbani kwangu wamekaa mabinti wengi, wakiwamo shemeji zangu wadogo zake na Flora na sikuwahi hata kuwagusa, leo hii kwa nini wananifanyia hivi?"
Mbasha alidai kwamba chanzo cha kusingiziwa kwake ni mgogoro baina yake na mkewe Flora, ambao umesababisha mgawanyiko mkubwa ambao umefanya achukiwe na familia nzima ya mkewe.
"Yako mambo mengi tu ambayo yanahusu familia, kwa hiyo ilifika mahali mimi na Flora tukawa hatuishi kwa amani na hata hili jambo limetokea wakati tukiwa na mgogoro huo. Hivyo Flora na ndugu zake waliamua kumlisha binti huyo maneno ili mimi nifungwe," alisema Mbasha.
Hata hivyo, Flora hakutaka kuingia kwa undani katika suala hilo, akisisitiza kuwa Mbasha bado ni mumewe na kwamba yaliyotokea awali alishamsamehe, lakini akamtaka ajitokeze kutoa maelezo polisi.
"Mimi nilishamwambia kwamba hata kama alifanya au hakufanya, nilishamsamehe kutoka ndani ya moyo wangu maana yeye ni mume wangu wa ndoa na Mungu wangu ni shahidi, lakini kuna suala la kisheria polisi ambalo mimi siwezi kuliingilia," alisema Flora ambaye alitamba na wimbo wa injili wa "Tanzania" ambao ulimfanya aalikwe katika shughuli mbalimba za kitaifa.
"Tatizo linakuwa kubwa kwa sababu yeye mwenyewe haonekani na taarifa ni kwamba amekimbia," alidai Flora. "Sasa kama kweli hajafanya kitendo hicho, kwa nini anajificha? Ajitokeze... aende polisi na huko ndiko akatoe maelezo yake. Kuzungumza na vyombo vya habari haisaidii kabisa."
Mwimbaji huyo, ambaye ni mjukuuu wa muhibiri maarufu wa Injili, Askofu Moses Kulola alisema yeye hana uwezo wa kuingilia kesi hiyo kwani hakuhusika kwa namna yoyote ile kupeleka suala hilo polisi kwa sababu hakuwapo wakati likitokea na kwamba linasimamiwa na familia.
"Inawezekana anatamani nikafute kesi polisi, mimi sina uwezo huo kwa sababu ni suala la kisheria na tuhuma zenyewe ni za kijinai. Pili familia yenye mtoto ndiyo inafuatilia kesi hiyo, lakini hilo halifuti msamaha wangu kwake," alisisitiza.
Kauli ya Flora kwamba ameshamsamehe mumewe inafanana na ya Mbasha ambaye pia alisema kwamba kama kuna jambo ambalo mkewe alimkosea, hana tatizo na kwamba alishamsamehe.
"Flora ni mke wangu, mke wa ujana wangu, ninampenda asilimia 100 na yeye analifahamu hilo, lakini sijui ni kitu gani kimemkuta? Sijui ni nini kimeingilia ndoa yetu?" alisema Mbasha.
Alisema ameshampigia simu mkewe mara nne akitaka waonane ili wazungumze, lakini hakuonyesha utayari, kauli ambayo Flora aliikanusha akisema: "Hajanitafuta maana tangu Jumatatu hapatikani kwenye simu."
Mwenendo wa upelelezi
Wakati hayo yakiendelea, maendeleon ya kesi hiyo yanasuasua baada ya faili kutokupelekwa Kituo cha Polisi Buguruni kutoka Tabata kwa ajili ya hatua zaidi.
Baadhi ya wanafamilia wa mtoto anayedaiwa kubakwa walisema jalada hilo lingefikishwa Buguruni Jumatano jioni, lakini kutokana na ofisa anayeshughulikia kesi hiyo kuwa na udhuru, ilishindikana.
Mjomba wa Flora ambaye amepewa jukumu la kusimamia kesi hiyo, alisema wamekuwa wakifuatilia Kituo cha Polisi cha Tabata tangu tukio hilo liliporipotiwa, lakini wakaelezwa kuwa kesi hiyo itahamishiwa Buguruni.
"Tuliambiwa lile faili lazima lihamie kituo cha Buguruni. Nilifika hapa nikaonana na kamanda wa polisi wa wilaya ambaye ametupokea vizuri na kuonyesha moyo wa kutusaidia," alisema.
Kamanda wa polisi wa Ilala, Marietha Minangi alisema bado wanaendelea na uchunguzi wa kesi hiyo na kwamba hafahamu taarifa kuwa faili hilo linacheleweshwa kuhamishiwa Buguruni. "Tunaendelea kuchunguza, ila siyajui hayo masuala ya faili yanayotoka kinywani mwako. Lakini nimepata taarifa kuwa bado wanachunguza," alisema Minangi.
Mwanzoni mwa wiki jana, Kamanda Minangi alisema kuwa maofisa wake walikuwa wanaendelea kumsaka mtuhumiwa na kwamba walienda mpaka nyumbani kwake, lakini hawakumkuta.
"Nimefuatilia ni kweli hiyo kesi imefunguliwa na maofisa wangu wameniambia walienda nyumbani kwake na hawakumkuta mtu. Waliniambia walikaa pale kwa takribani dakika 20 na ile nyumba ina fence (uzio) na geti waligonga kengele, lakini hakuna mtu aliyekuja kufungua.
"Na baadaye waliwauliza majirani, nao wakasema hawafahamu mtu huyo alipo. Inaonekana ametoweka, lakini sisi kama wasimamizi wa sheria tunaendelea kumtafuta mpaka tutakapomkamata," alisema Minangi.
Ustawi wa Jamii
Kesi hiyo pia inafuatiliwa kwa karibu na Idara ya Ustawi wa Jamii ya Manispaa ya Ilala kujua usalama na matibabu ya binti huyo. Ofisa ustawi wa jamii anayeshughulikia ulinzi na usalama kwa mtoto wa manispaa hiyo, Fransica Makoye alisema kuwa wanalishughulikia suala hilo kama mengine katika kutafuta haki na usalama wa mtoto na wala hawahusishi na umaarufu wa wahusika.
"Sisi tunafuatilia kama alipata tiba sahihi mara baada ya tukio la kubakwa na kufahamu mahali ambako anakaa kwa ajili ya usalama wa huyo mtoto. Tumeiona PF3 haionyeshi kama alipata matibabu, lakini tutawajulisha zaidi kinachojiri kwa kuwa tutaenda Hospitali ya Amana kwa maelezo zaidi," alisema Makoye.(E.L) Chanzo ni www.mjengwablog.com

Monday, May 26, 2014

Mahakama yapinga Rais Banda kufuta matokeo Malawi

Lilongwe, Malawi. Mahakama Kuu ya Malawi imepinga uamuzi wa Rais wa nchi hiyo, Joyce Banda kufuta matokeo ya awali yaliyotangazwa na Tume ya Uchaguzi ya Malawi (MEC) kwa madai kuwa hana mamlaka hayo.
Mahakama Kuu ilitoa uamuzi huo jana baada ya Rais Banda kufuta uchaguzi huo kwa madai kuwa ulikuwa na kasoro, ikiwa ni pamoja na vitendo vya wizi na matokeo kuchezewa kwenye kompyuta.(Martha Magessa)
Wakati Rais Banda akitangaza kufuta matokeo ya uchaguzi alisema: "Ninabatilisha matokeo ya uchaguzi kwa mamlaka niliyopewa na katiba ya Malawi. Ninataka kuwapa Wamalawi nafasi nyingine ya kuchangua mgombea anayefaa kwa uhuru."
Aidha, Rais Banda alisema kuwa hatagombea tena nafasi ya urais katika uchaguzi ambao alisema utafanyika ndani ya siku 90 kuanzia sasa.
Awali mawakili wa serikali ya Malawi, Kalekeni Kaphale, Noel Chalamanda, Patrick Mpaka waliwasilisha pingamizi mahakamani wakipinga Rais Banda kufuta matokeo hayo.
Chalamanda alisema mahakama hiyo imetupilia mbali tangazo la Rais Banda kwa kuwa hana mamlaka ya kufuta matokeo ya uchaguzi na kusimamisha kazi ya kuhesabu kura. "Mahakama imesema Rais Banda hana mamlaka ya kufuta uchaguzi," alisema Chalamanda.
Chalamanda alisema mahakama hiyo pia imeweka pingamizi Rais Banda kutokana na hatua yake ya kufuta matokeo na kusimamisha shughuli za kuhesabu kura.
Baada ya Rais Banda kutangaza kufuta matokeo, hali ya wasiwasi ilitanda katika mji mdogo wa Limbe ambako polisi wa nchi hiyo walikuwa wakipita huku na kule wakiwa kwenye magari.
Ulinzi uliimarishwa juzi katika mji huo baada ya serikali kupata taarifa za kiintelejensia kwamba raia wa nchi hiyo walipanga kufanya maandamano kupinga uamuzi wa rais huyo.
Kabla ya serikali kutuma polisi kwenye mji huo, wananchi walianzisha vurugu katika mji mkuu wa Blantyre.
Katika hatua nyingine, chama cha MCP kimetangaza kwamba mgombea wake, Lazarus Chakwera ameshinda uchaguzi huo pia tume ya uchaguzi na baadhi ya vyombo vimekuwa vikishambuliwa kwa kutangaza kuwa mgombea wa Democratic Progressive Party (DPP) anaongoza kwa asilimia 42.
Kabla ya Rais Banda kutangaza kufuta matokeo hayo, Tume ya Uchaguzi ya Malawi (MEC) ilitangaza matokeo ya awali ambayo yalionyesha mgombea wa Democratic Progressive Party (DPP), Peter Mutharika alikuwa akiongoza kwa asilimia 42 baada ya kupata kura 683,621 akifuatiwa na Rais Banda ambaye alipata kura 372,101 sawa na asilimia 23 kupitia People's Party (PP).
CHANZO:MWANANCHI

Thursday, May 22, 2014

EA film makers to form alliance to support regional integration agenda



East African film makers on Wednesday convened in Arusha in an effort to form an alliance of film festivals that will support the regional integration agenda.
 
The three-day first Preparatory Forum for Film Festivals and Film Makers was made possible by the East African Community (EAC) in collaboration with the German International Cooperation (GIZ).
 
The forum is meant to prepare ground work that will lead to the integration of all film festivals and film makers in the region into a regional body that will advocate for the film sector and also support the regional integration efforts through film in the overall context of culture and creative industries.
 
Addressing the forum, EAC head of the Corporate Communication and Public Affairs Owora Richard Othieno hailed East African Film Festival directors for coming up with such idea.
"The move is recommendable and will take the regional bloc into another stages, taking into account that the industry is very powerful, when it comes to taking message to the public," he said.
 
The official said the trading bloc's secretariat will fully support the initiative to further strengthen the already existing cooperation between the EAC, other state and non-state actors towards building a stronger East African Community through the arts and culture.
 
"Indeed this is a laudable initiative and is in line with Article 119 of the Treaty for the Establishment of the East African Community, the Common Market Protocol and the Development Strategy (2010-2016), all of which provide for the fostering of public - private sector partnership towards the development of culture and creative industries in the EAC," Owora said.
 
"The Film industry is one of those culture and creative industries in the region with great potential to alleviate poverty and also to create employment for young people. The EAC is cognizant of the critical challenges facing the sectors such as the low capacity, infrastructure, financing and copyright among others. But these are not insurmountable," he said.
 
Martin Mhando, the CEO and director of Zanzibar International Film Festival, noted that culture has been used to shape and to govern identity and as festivals are perceived to be vehicles for "re-imaging" places, they also give communities a creative focus, helping to celebrate achievements, forge community identity, and of course in generating increased tourism.
 
He said the region was rich in talent but has no infrastructure to develop the talents and the formation of a festival network is a response to such a need.
 
The forum is being attended by film directors, cultural officers, and culture and creative industries stakeholders.

REDD’S MISS DAR CITY CENTRE 2014




                                          
SAA 2:00 USIKU, 24 MEI, 2014.no
 Tunapenda kutambulisha kwenu shindano kuu la Redds Miss Dar City Center 2014, Mashindano haya  kwa mwaka huu yatafanyika katika ukumbi wa dare s salaam free market (century cinema)  siku ya jumamosi tarehee  24/05/2014, kuanzia saa mbili usiku, vile vile siku hii itapambwa na burudani ya nguvu kutoka kwa skylight band.


Tunaamini shindano la mwaka huu litakuwa zuri sana warembo wamejiandaa vya kutosha, tunapenda kuwaalika wadau mbalimbali wa masuala ya urembo waje kwa wingi dar es salaam free market siku ya jumamosi ili waweze kushuhudia wenyewe nani siku hiyo Atakaye twahaa taji la redd’s miss dar city center 2014.
            
Tunapenda kuwashukuru wazamini wetu kwa ushirikiano wao waliotupa, tunapenda kuwashukuru sana na tunapenda kuuendeleza ushirikiano huu  kwa miaka mingine zaidi.


 Mratibu wa onesho hilo Judith Charles alizungumza kuhusu shindano hilo leo
katika ukumbi wa Club Maisha Dar es Salaam.

Shindano la mwaka huu litakuwa zuri ambalo halijawahi kutokea kipindi chote cha nyuma, karibuni sana.


Asanteni,



Judith  Charles
Mratibu.








Tuesday, May 20, 2014

Mali: Mazungumzo ya amani yakumbwa na kizungumkuti


Rais wa Mali, Ibrahim Boubacar Keïta.
Rais wa Mali, Ibrahim Boubacar Keïta.
AFP PHOTO / STRINGER
Na RFI
Serikali ya Mali imetangaza vita dhidi ya “magaidi”, siku mbili baada ya mapigano makali kutokea katika mji wa Kidal (kaskazini mwa nchi), ambako ni ngome kuu ya waasi kutoka jamii ya Tuareg. 
Kwa mujibu wa serikali ya Mali, maafisa 30 wa serikali wametekwa nyara na waasi. Kulingana na taarifa za Umoja wa Mataifa, watu wanane wameuawa.
Makabiliano makali yalitokea kati ya jeshi na makundi ya waasi wakati waziri mkuu wa Mali, Moussa Mara, alikua zirani katika mji wa Kidal kilomita 1,500 kaskazini mashariki na mji wa Bamako.
Katika makabiliano hayo watu 36 waliuawa wakiwemo wanajeshi wanane, na wengine zaidi ya 30 walitekwa nyara, kulingana na taarifa iliyotolewa na waziri wa ulinzi Soumeylou Boubeye Maïga.
Kundi la waasi la MNLA limekiri kwamba zaidi ya wanaheshi kumi wa Mali na wafungwa thelathini waliuawa, na wafungwa wengine wawili walijeruhiwa, na baadaae walikabidhiwa shirika la msalaba mwekundu.
Hapo jana ofisi ya Umoja wa Mataifa nchini Mali Minusma ilifahamisha kwamba raia wawili wa kawaida na maafisa sita wa serikali waliuawa katika mji wa Kidal, bila hata hivo kutoa taarifa zaidi.

JK kUONGOZA MASHAURIANO YA MRADI WA MABASI

Dar es Salaam. Rais Jakaya Kikwete anatarajia kuongoza mkutano wa mashauriano ya awamu ya kwanza ya uwekezaji katika mradi wa mabasi yaendayo kasi (DART) utakaowakutanisha wawekezaji wa ndani na nje Dar es Salaam.
Mtendaji Mkuu wa DART, Asteria Mlambo alisema mwishoni mwa wiki kuwa mkutano huo utakaofanyika mapema mwezi ujao utatoa nafasi kwa wawekezaji kuzijua fursa za uwekezaji zitakazopatika kwenye mradi huo.(Martha Magessa)
Washiriki wa mkutano huo wanatarajiwa kutoka katika benki na taasisi mbalimbali za kifedha, kampuni za kutengeneza mabasi, kampuni za mawasiliano, mifuko ya kijamii na wengine.
Mada kuhusu mradi wenyewe wa DART itatolewa na Katibu Mkuu, Ofisi ya Waziri Mkuu (Tamisemi), Jumanne Sagini.
Kabla ya mkutano huo, DART imeandaa mkutano wa wamiliki wa daladala Dar es Salaam, Kampuni ya Usafirishaji Dar es Salaam (UDA) na wadau wengine ili kuwafahamisha jinsi gani wanaweza kunufaika na mfumo huo mpya.
"Tutawaelezea faida na fursa zitakazopatikana kwenye mfumo mpya wa usafirishaji jijini," alisema Mlambo.
Mwezi uliopita Dart ilikamilisha shughuli ya kusajili mabasi ya daladala yanayopita katika Barabara ya Morogoro au kukatiza katika njia hiyo ikiwa ni moja ya matayarisho ya kupisha mradi huo.
Kulingana na mpango huo wa Dart barabara hizo za Morogoro, Kawawa na Msimbazi zitatumiwa na mabasi ya mfumo huo pekee kwa njia 64 Dar es Salaam zitakoma kutumika kutokana na mradi huo.
CHANZO:MWANANCHI

Monday, May 19, 2014

Nigeria na nchi jirani zaapa kupambana na Boko Haram


Na Sabina Chrispine Nabigambo
Serikali ya Nigeria na majirani zake zimeapa kuunganisha vikosi vya kijeshi dhidi ya kundi la Boko Haram chini ya mkataba unaotambulika kama tamko la vita dhidi ya wanamgambo wa Kiislam wanaowashikilia wasichana wa shule zaidi ya 200.
French President Francois Hollande (C) poses for a familly photo with (LtoR) Britain's Foreign Secretary William Hague, Niger's President Mahamadou Issoufou, Chad's President Idriss Deby, Nigerian President Goodluck Jonathan, Cameroon's President Paul Biya, Benin's President Thomas Yayi Boni, European Council President Herman Van Rompuy and U.S. Undersecretary of State for Political Affairs Wendy Sherman during a meeting at the Elysee Palace in Paris, May 17, 2014.  West African leaders meet in Paris on Saturday to try to improve cooperation in their fight against the Nigerian Islamist militant group Boko Haram, which has kidnapped more than 200 schoolgirls and threatens to destabilise the wider region.     REUTERS/Gonzalo Fuentes)
Marais wa Nigeria, Chad,Cameroon, Niger na Benini pamoja na rais wa Ufaransa katika picha ya pamoja jijini Paris. REUTERS/Gonzalo Fuentes

Wakikutana mjini Paris Ufaransa , Rais wa Nigeria Goodluck Jonathan na wenzake wa Benin, Chad, Cameroon na Niger wamepitisha mpango mkakati wa kukabiliana na kundi hilo ambalo linatuhumiwa kwa vifo vya watu 2000 kwa mwaka huu na utekaji wa wasicha na zaidi ya 200 mwezi uliopita Kaskazini Mashariki mwa Nigeria.
Akizungumza katika mkutano huo rais wa Ufaransa Francois Hollande amesema kuwa kundi la Boko Haram linauhusiano na kundi la kigaidi la Al qaeda hivyo mbinu za kikanda zinahitajika ili kudhibiti kundi hilo.
Hayo yanajiri huku kundi hilo likituhumiwa kutekeleza shambulio jingine wakati mkutano wa viongozi wa hao ukiendelea na kumwua askari mmoja wa Cameroon na kuwateka nyara wafanyakazi 10 wa barabara raia wa China.
Wanamgambo hao walivamia kambi inayotumiwa na wafanyakazi wa barabara raia wa China Ijumaa usiku katika mkoa wa kaskazini mwa Cameroon karibu na mpaka wa ngome ambapo waliwateka zaidi ya wasichana 200 mwezi uliopita

Summit will reaffirm African leaders’ duties, says Kaberuka


By Ivan R. Mugisha 
African leaders should use the 50th Anniversary of the African Development Bank (AfDB) as a platform to evaluate and reaffirm their commitment to the continent’s prosperity and development.
Donald Kaberuka, AfDB President. Sunday Times/File
Donald Kaberuka, AfDB President. Sunday Times
Dr Donald Kaberuka, the president of AfDB, said this yesterday evening during an interview ahead of the Bank’s Annual Meetings which kick off today in Kigali.
The high level conference which ends on May 23, attracted at least 2,500 delegates from all over the world and key speakers expected will include Heads of State and other high ranking officials from across the continent and beyond.
“Africa has defined its agenda for 2063 that African leaders will adopt in the next Africa Union (AU) summit. The meeting seeks to forge a way forward for everything in Africa, including trade, prosperity, and peace, among others,” Kaberuka said.
“We intend to reaffirm the choices made by the leaders but in particular to indicate what each one of us will do to help realise our vision.”
Kaberuka said visualising AU’s agenda for a prosperous Africa in the next 50 years is commendable, adding that continuous assessments are important to evaluate the continent’s transformation.

TARATIBU ZA MSIBA WA ADAM KUAMBIANA


k_edb32.jpg
Marehemu Adam Kuambiana ataagwa siku ya jumanne (20/5/2014), katika viwanja vya Leaders Club, kuanzia saa 3 asubuhi hadi saa 9 mchana. Baada ya hapo atazikwa siku hiyo hiyo ya jumanne, katika makaburi ya Kinondoni.
Mwenyekiti wa Bongo movies, Steve Nyerere, amesema marehemu alikuwa anasumbuliwa na vidonda vya tumbo na ndio chanzo cha kifo chake.

Monday, April 28, 2014

Warioba atunukiwa nishani iliyotukuka.

unnamed19 1e6c5
Na Hudugu Ng'amilo
Aliyekuwa Mwenyekiti wa Tume ya Mabadiliko ya Katiba, Jaji Joseph Warioba juzi usiku alikuwa miongoni mwa viongozi na watu mashuhuri waliotunukiwa nishani na Rais Jakaya Kikwete, Ikulu jijini Dar es Salaam.
Katika maelezo ya kutoa nishani ya kumbukumbu ya miaka 50 ya Muungano daraja la kwanza, ilielezwa kuwa Jaji Warioba, aliyewahi kuwa Waziri Mkuu wa Jamhuri ya Muungano wa Tanzania aliuenzi na bado anauenzi Muungano huo.
"Katika kipindi chako, pamoja na nyadhifa nyingine, ulikuwa Waziri Mkuu na Makamu wa kwanza wa Rais wa Jamhuri ya Muungano wa Tanzani...katika kipindi hicho na hadi sasa umeendelea kuwa mwaminifu, umeutunza, umeulinda na umeuenzi Muungano," ilisema sehemu ya taarifa ya kutoa nishani.
Hivi karibuni, Jaji Warioba amekuwa akishambuliwa na baadhi ya Wajumbe wa Bunge la Maalumu la Katiba, pia baadhi ya wana CCM kutokana na Rasimu ya Pili ya Katiba Mpya iliyoandaliwa na Tume ya Mabadiliko ya Katiba aliyoiongoza, kupendekeza muundo wa Muungano wa Serikali tatu.
Hata hivyo, upande mwingine wajumbe wanaojitambulisha kama Umoja wa Katiba ya Wananchi (Ukawa) wamekuwa wakiunga mkono mapendekezo ya rasimu hiyo.
Mbali na Jaji Warioba, wengine waliopewa nishani katika daraja hilo ni Aboud Jumbe Mwinyi aliyekuwa Rais wa Pili wa Zanzibar, Aman Karume, John Malecela, Cleopa Msuya na Dk Salmin Amour Juma.
Wengine ni Omar Ali Juma na Idrissa Abdul Wakil, ambao sasa ni marehemu.
Walioanza kupata tuzo na nishani hizo ni waasisi wa Muungano wa Tanzania, Mwalimu Julius Nyerere na Abeid Karume(wote ni marehemu) na walioendeleza ambao ni Ali Hassan Mwinyi na Benjamin Mkapa.
Wengine waliopewa tuzo ni pamoja na viongozi wa majeshi ya ulinzi na usalama akiwemo Mkuu wa Jenshi la Wananchi (JWTZ), Jenerali Davis Mwamunyange na Mkuu wa Jeshi la Polisi, IGP Ernest Mangu. Wakuu wa JWTZ wastaafu pia walikumbukwa akiwemo, Jenerali Mirisho Sarakikya, Jenerali David Musuguri.
Katika nishani ya kumbukumbu ya miaka 50 ya Muungano daraja la nne lilikuwa na Mama Maria Nyerere na Mama Fatma Karume, Bendi ya Msondo Ngoma pia ilipewa tuzo kwa kuuenzi Muungano.Mwenyekiti Mtendaji wa Kampuni za IPP, Reginald Mengi alipewa tuzo maalumu akiwa raia wa Tanzania aliyetoa mchango muhimu katika huduma za jamii.
Wasifu
Mwenyewe Joseph Warioba aliingia serikalini mwaka 1966, akiwa mwanasheria wa mji wa Dar er Salaam, nafasi aliyoitumikia kwa muda wa miaka miwili, kisha kuhamia kuwa mwanasheria wa Baraza la Jiji mpaka mwaka 1970.
Kuanzia mwaka 1976 mpaka 1983 Warioba alitumikia taifa kwa wadhifa wa Mwanasheria Mkuu wa Serikali.
Warioba pia aliwahi kuwa Waziri wa Sheria katika awamu ya kwanza iliyokuwa ikiongozwa na Mwalimu Julius Nyerere.
Mwaka 1984 aliteuliwa kuwa Waziri Mkuu na Makamu wa Kwanza wa Rais, nafasi aliyoitumikia hadi mwaka 1990.
Mwaka 1996 Rais Benjamin Mkapa alimteua kuongoza tume ya kupambana na rushwa.
Mwaka 2007 alioongoza jopo la waangalizi kutoka nchi za Jumuiya ya Madola katika uangalizi wa uchaguzi mkuu wa Nigeria.
Mwaka 2012 Rais wa awamu ya nne alimteua Warioba kuongoza Tume ya Mabadiliko ya Katiba.
CHANZO MWANANCHI

Kuwa Mzalendo Sambaza Upendo


Tuesday, April 15, 2014

MISS ILALA 2013 DORIS MOLLEL AKABIDHI VITABU 50 SHULE YA MSINGI PUGU DAR


Miss Ilala 2013, Doris Mollel ijumaa ya wiki iliyopita alitembelea shule ya msingi Pugu jijini Dar es Salaam na kukabidhi vitabu 50 za hadithi kwa wanafunzi wa shule hiyo katika harakati zake binafsi za kuwajengea wanafunzi na watoto utamaduni na tabia ya kujisomea kwenye umri mdogo.
Miss Ilala huyo wa mwaka 2013 alitumia nafasi hiyo kuwahamasisha wanafunzi kujisomea kama ufunguo wa maisha yao ya baadaye.
Img_4177
Miss Ilala 2013, Doris Mollel, akisaini kitabu cha wageni baada ya kutembea shule hiyo ya msingi Pugu jijini Dar es Salaam.
Img_4227
Doris Mollel akizungumza na wanafunzi wa shule hiyo ya msingi ya Pugu muda mfupi baada ya kukabidhi vitabu hivyo.
Img_4285
Img_4273
Miss Ilala 2013, Doris Mollel akimkabidhi vitabu Mwalimu Josephine Matiku kwenye hafla rasmi ya makabidhiano shule hapo ijumaa iliyopita jijini Dar.
Img_4236
Miss Ilala 2013, Doris Mollel akipozi na walimu wa shule hiyo wakati wa halfa ya kukabidhi vitabu.
Img_4265
Miss Ilala 2013, Doris Mollel katika picha ya pamoja na baadhi ya wanafunzi wa shule ya msingi Pugu.
Img_4294
Inatoka kwa mdau .

JK ATUMA RAMBIRAMBI KIFO CHA GURUMO


RAIS Jakaya Kikwete amemtumia salamu za rambirambi Waziri wa Habari, Vijana, Utamaduni na Michezo, Dk. Fenella Mukangara kutokana na kifo cha mwanamuziki maarufu na wa siku nyingi, Muhidini Gurumo kilichotokea juzi mjini Dar es Salaam.

Gurumo alifariki dunia juzi katika Hospitali ya Taifa ya Muhimbili (MNH) alikokuwa amelazwa kwa matibabu ya ugonjwa wa moyo uliomsumbua kwa muda mrefu.

Kwa mujibu wa taarifa iliyotolewa na Kurugenzi ya Mawasiliano Ikulu, Rais Kikwete alisema mchango wa marehemu Gurumo kwa Taifa ni mkubwa na wa kupigiwa mfano kupitia kipaji alichojaaliwa na Mwenyezi Mungu ambacho alikitumia kikamilifu kwa manufaa ya wananchi na taifa kwa ujumla.

“Nimesikitishwa na kuhuzunishwa na taarifa za kifo cha Gurumo ambaye alikuwa mmoja wa wasanii wa muziki wa dansi nchini waliolitumikia Taifa hili kwa bidii tangu miaka ya sitini kupitia sanaa ya muziki,

Katika bendi mbalimbali za muziki wa dansi kuanzia Bendi ya NUTA Jazz, Mlimani Park Orchestra, Orchestra Safari Sound (OSS) na Msondo Ngoma ambayo ameitumikia hadi alipostaafu mwaka 2013,”alisema Rais Kikwete.

Rais Kikwete alimuomba Waziri wa Habari, Vijana, Utamaduni na Michezo kumfikishia salamu zake za rambirambi na pole nyingi kwa familia ya marehemu Gurumo kwa kumpoteza kiongozi na mhimili wa familia yao.

Alisema anaungana na familia ya marehemu kuomboleza msiba huo mkubwa kwa kutambua kuwa msiba wao ni wa wote, na anamuomba Mwenyezi Mungu.

Aliwaomba wanafamilia ya marehemu kuwa na moyo wa uvumilivu na subira katika kipindi hiki kigumu cha kuomboleza msiba wa mpendwa wao kwa kutambua kwamba yote ni mapenzi ya mola.