Monday, May 29, 2017

Mali watwaa ndoo mabingwa wapya fainali za U 17 Gabon

Timu ya taifa ya vijana ya Mali iliyo chini ya umri wa miaka 17 imetwaa Ubingwa wa michuano ya AFCON hapo jana baada ya kuifunga timu ya Ghana kwa jumla ya magoli 2- 1 nchini Gabon

Mali, imeibuka na ushindi huo mwembamba katika mchezo ulio kuwa na upinzani mkubwa kwa pande zote mbili kuhitaji kuchomoza na ushindi , na hatimae timu hiyo ilipata goli la pekee kupitia kwa mchezaji wake Momadou Samake , lililo dumu hadika dakika 90 za mchezo.
Baada ya kuingia katika fainali hizo kwa mara ya kwanza baada ya miaka 12, kocha wa Ghana Paa Kwesi Fabin alipanga kikosi chake cha kwanza ambacho kiliifunga Niger 6-5 katika hatua ya penati  kwenye hatua ya nusu fainali.
Ghana walianza kwa kasi kipindi cha kwanza baada ya Eric Ayiah kupata nafasi ya wazi lakini hakuweza
kufunga
Kocha wa Ghana Ghana Paa Kwesi Fabin amesema pamoja na kupoteza mchezo huo, wachezaji wake walifanya jitihada za kutosha ila bahati haikuwa upande wake.

Azam FC walivyo mwacha Bocco


Timu ya soka ya Azam FC imeachana na mshambuliaji wake tegemeo wa muda mrefu John Raphael Bocco baada ya mkataba wake kumalizika, lakini ukweli ni kuwa tumezoea kuona wachezaji waliodumu kwa muda mrefu wakiagwa kwa heshima kitu ambacho hakijafanywa na Azam FC.
Mchambuzi wa michezo Shaffih Dauda ameguswa kwa namna ambavyo John Bocco ameondoka Azam FC na ametoa ushauri baada ya uongozi wa klabu hiyo kuthibitisha hawatakuwa na Bocco kuanzia msimu ujao na kuanzia sasa JB nimchezaji uru.
Unaweza kuangalia video hapa chini kwa story zaidi kuhusu kilakitu ambacho amekiongea Shaffih Dauda kuhusu issue ya John Bocco na Azam FC.

Msome hapa Bale napicha ya kutishaaa kwa Juventus


Bado siku chache tu twende Cardiff ambapo pale litapigwa pambano la kumtafuta mfalme wa michuano ya Champions League msimu huu kati ya Real Madrid dhidi ya klabu ya Juventus.
Juventus wenyewe wanaelekea katika dimba la Millenium Stadium wakiwa kikosi chao kiko fiti 100% lakini Real Madrid wenyewe hawako fiti 100% kutokana na majeruhi muhimu.
Walinzi wao wa kati Pepe na Varane waliumia na hawana uhakika wa kuwa fiti kabisa kuikabili Juventus lakini huku mshambuliaji wao Gareth Bale naye akiwa haijulikani kwamba atacheza au vipi.
Kutocheza kwa Gareth Bale kunaweza kuwa jambo jema kwa Juventus kwani amekuwa mwiba mkali kwa kila timu ambayo inacheza dhidi ya Real Madrid.
Lakini Bale ametuma picha mtandaoni ambayo inaweza kuwanyima raha mashabiki wasiopenda Real Madrid na kuwakatisha tamaa kuhusu hatma ya yeye kucheza au kutocheza Jumamosi.
Bale ametuma picha akionekana yuko mazoezini akipasha na wenzake hali inayoashiria kwamba pengine Bale yuko tayari kuikabili Juventus siku ya Jumamosi.
Real Madrid ndio mabingwa watetezi wa michuano hiyo na wanaingi katika fainali hiyo kujaribu kuweka rekodi ya kuwa timu ya kwanza kuchukua ubingwa huo mara mbili mfululizo.

Wadu waelezea nguvukazi ya Fransesco Totti


  1. Huu ndio mwaka ambao kwa mara ya kwanza Totti alivaa jezi ya As Roma na kuanza kucheza soka, alikuwa kijana mdogo wa umri wa miaka 16 tu na mchezo wake wa kwanza wa ligi kuu ya Italia ulikuwa dhidi ya Brescia ambapo Roma walishinda kwa mabao 2 kwa 0.
1998.Alikuwa na umri wa miaka 21 tu na akaweka rekodi ya kijana mdogo wa kwanza kupewa cheo cha unahodha wa timu ya As Roma kwa mara ya kwanza kabisa.
2001.Huu ndio mwaka ambao Totti alibeba ubingwa wa ligi kuu Italia Serie A na huu ulikuwa ubingwa wake wa kwanza na wa mwisho wa ligi hiyo nchini Italia,akifunga goli katika ushindi wa mwisho wa 3 kwa 1 dhidi ya Parma.
2004.Alivunja rekodi ya Roberto Pruzzo ya ufungaji wa muda wote katika klabu ya As Roma baada ya kufikisha jumla ya mabao 169 na kuwa mfungaji bora wa muda wote katika klabu hiyo.
2006.Alicheza michezo yote 7 ya timu ya taifa katika kombe la dunia huku akifunga bao moja na kutoa assists zaidi ya tatu katika michuano hiyo mikubwa duniani.
2007.Alishinda tuzo ya kiatu cha dhahabu katika ligi kuu nchini Italia akiwa amefunga mabao 26 katika ligi hiyo huku mabao 32 akiwa amefunga katika michuano yote aliyocheza msimu huo.
2014.Aliweka rekodi ya mchezaji mkongwe zaidi katika champions league kufunga goli, kwania alifunga bao la kusawazisha dhidi ya Manchester City ikiwa ni siku moja tu baada ya kutimiza miaka 38.
2016.Alitokea katika benchi zikiwa zimebaki dakika 5 tu katika mchezo dhidi ya Torino, wakati anaingia Roma walikuwa wameshapigwa bao 2 kwa 1 lakini akafunga bao mbili na Roma wakamaliza na ushindi wa bak 3 kwa 2.

Mecky Maxime aanza kuzungumziwa Yanga

YANGA inatarajia kufanya maamuzi magumu ya kumchukua kocha Mecky Maxime lakini mwenyewe ametangaza utamu kwamba akitua klabu hiyo itavuna vipaji vingi kutoka katika jicho lake. Akiongea na saluti5, mmoja wa vigogo wa Kamati ya usajili amesema katika kikao cha awali na kocha huyo kijana mwenye mafanikio, amewaambia kwamba endapo watakamilisha haraka mchakato wa kumchukua, Yanga itanufaika na kazi yake ya kuvumbua vipaji. 



Bosi huyo amesema Maxime amewahakikishia kwamba anajua wapi vinapatikana vipaji bora ambapo Yanga itakuwa bora zaidi kwa kuwapatia wachezaji wapya wenye uwezo zaidi ya Shiza Kichuya, Muzamir Yassin na Mohammed Ibrahim “MO” wanaotamba Simba wakitoka katika uvumbuzi wake. Aidha bosi huyo amesema ujio wa Maxime ndani ya Yanga utaambatana na usajili wa mshambuliaji wa Kagera Sugar, Mbaraka Yusuph ambaye nae anatakiwa na kocha George Lwandamina. “Tunamtaka kweli Maxime, unajua sisi tunataka kufanya maboresho makubwa katika benchi letu na jicho letu limetua kwa Maxime na tulitaka kumchukua mapema lakini tulisitisha mpango huo kwa muda,” alisema bosi huyo. “Tumekutana na Maxime mwenyewe, hana shida katika kutua hapa na ametuambia kwamba anajua Yanga inayumba wapi katika kupata wachezaji wazuri na akitua hapa kazi hiyo ataifanya yeye kwa kumuonyeshwa Lwandamina wachezaji bora.

NZEGA MKOANI TABORA



Mjumbe wa Kamati Kuu ya CCM, Mwenyekiti wa Jumuia ya Wazazi, Alhaj Abdallah Bulembo, ameendelea na ziara yake ya Kichana katika mikoa mitano ambapo leo ziara hiyo imemfikisha katika Wilaya za Igunga na Nzega mkoani Tabora, ambako amefazungumza katika vikao vya ndani na Wajumbe wa Halmashauri Kuu za CCM za wilaya hizo, Mabalozi na watendani wa CCM na Serikali.

WAZALISHAJI WATAKIWA KUHAKIKI UBORA WA BIDHAA ZAO KUPITIA MAABARA ZA TBS



Frank Mvungi

MAELEZO

DAR ES SALAAM

SERIKALI imewataka wazalishaji na wajasiriamali nchini kuhakikisha kuwa bidhaa

wanazozalisha zinakidhi viwango vya ubora vilivyowekwa na Shirika la Viwango

Tanzania (TBS) ili kuchochea ukuaji wa uchumi.





Kauli hiyo imetolewa Leo Jijini Dar es Salaam na Mkuu wa Kitengo cha Maabara ya

Uhandisi wa Ujenzi ya Shirika la Viwango Nchini, Mhandisi Stephen Minja wakati wa

ziara ya waandishi wa habari kutembelea na kujionea namna maabara za shirika hilo

zinavyotekeleza jukumu lake la kuhakiki viwango vya ubora hapa nchini.

Akifafanua zaidi Minja amesema kuwa mabara za shirika hilo zipo kwa ajili ya

kuhudumia wazalishaji wa bidhaa mbalimbali na wale wanaoingiza bidhaa kutoka nje

ya nchi lengo ili kuhakiki ubora wa bidhaa zote ili kuepusha athari zinazoweza

kujitokeza kwa watumiaji.
“Maabara yetu ina viwango vya kimataifa na gharama zake ni nafuu ambazo kila

mwananchi anaweza kumudu lengo likiwa ni kutoa huduma kwa wananchi na

kuchangia kuchochea maendeleo kwa kudhibiti bidhaa hafifu” alisema Minja

Aliongeza kuwa maabara hiyo inapima bidhaa za ujenzi kama nondo, chokaa, vigae,

mbao, mabomba ya maji, simenti, nguzo za umeme,matofali,zege, mchanga na

bidhaa zote zinazotumika katika ujenzi wa barabara ikiwemo lami.

Kwa upande wake Kaimu Mkuu wa kitengo cha maabara ya umeme, Mhandisi Anectus

Ndunguru amesema kuwa vifaa vyote vya umeme vinavyozalishwa na kuingizwa nchini

lazima vipimwe ubora wake kuona kama vinakidhi vigezo ili kuepusha majanga.

Alitaja baadhi ya vifaa ambavyo lazima vihakikiwe ubora wake kuwa ni vifaa vyote

vinavyotumika katika kujenga mfumo wa umeme katika majengo, taa za majumbani,

pasi, redio, televisheni, waya .
Akizungumzia athari za kutumia vifaa visvyo na ubora Ndunguru amesema kuwa athari

za matumizi ya vifaa hivyo ni makubwa ikiwemo kusababisha majanga na kupotea kwa

umeme hivyo kuongeza gharama kwa mtumiaji.

Shirika la Viwango Tanzania (TBS) limekuwa likisisitiza matumizi ya bidhaa zenye

ubora na zilizohakikiwa na kuepuka bidhaa hafifu ambazo kwa sasa zimedhibitiwa na

shirika hilo kwa kiwango kikubwa hali inayochochea ukuaji wa sekta ya Viwanda hapa

nchini.



Sunday, May 21, 2017

Kante atwaa tuzo nyingine kubwa


Ngolo Kante ni jina linalozidi kukua siku hadi siku huku akizidi kujizolea tuzo kutokana na kiwango bora anachokionesha tangu ajiunge na klabu ya Chelsea.
Kante ambaye ameisaidia Chelsea kutwaa ubingwa msimu huu na hilo likiwa kombe lake mara mbili mfululizo na timu tofauti, usiku wa jana alijinyakulia tuzo mpya.
Kante amefanikiwa kutwaa tuzo ya mchezaji bora wa mwaka wa waandishi wa habari za soka, tuzo ambayo huandaliwa kila mwaka na waandishi wa masuala ya soka nchini humo.
Tuzo hizo ambazo zilitolewa katika hotel ya Landmark nchini Uingereza zilishuhudia Mfaransa huyo akiweka kabatini tuzo yake kubwa ya pili ndani ya mwezi mmoja.
Kante ambaye msimu uliopita pia alifanikiwa kubeba kombe la Epl akiwa na Leicester City ameweka wazi ugumu ambao wanaweza kukabiliana nao katika msimu ujao wa ligi.
“Msimu ujao tutakuwa na changamoto mpya kwani ukiwa bingwa na huku uko katika michuano mingi ni wazi kwamba unaweza kuwa na wakati mgumu uwanjani” alisema Kante.
Tuzo hiyo ambayo mwanzoni ilikiwa ikishikiliwa na Eden Hazard, Kante aliipata kwa kura nyingi baada ya kupigiwa kura nyingi na kumshinda Hazard na Delle Ali wa Tottenham Hotspur.
Kante amesema anajisikia faraja sana kushinda tuzo hiyo na anawashukuru wachezaji wenzake ambao bila wao asingeweza kuchukua tuzo hiyo, Kante alinunuliwa na Chelsea kwa dau la £32m kutoka Leicester City.

Soma hapa VPL 2016/17 walioshuka daraja


Ligi kuu Tanzania bara imehitimishwa leo Mei 20, 2017 kwa mechi zote nane za mwisho kuchezwa katika viwanja tofauti.
Timu tatu za ligi kuu Tanzania bara zimeshuka daraja ambapo msimu ujao zitacheza ligi daraja la kwanza.
JKT Ruvu ilikuwa timu ya kwanza kushuka daraja baada ya kuchapwa na Toto Africans, JKT Ruvu ikafungwa tena mechi zake mbili za mwisho la kutupwa ligi daraja la kwanza.
Mechi yao ya mwisho walikua ugenini kucheza dhidi ya Ndanda FC ambayo pia ilikua inahitaji pointi tatu ili kukwepa mkasi wa kushuka daraja. Ruvu ikapoteza mechi hiyo kwa kufungwa mabao 2-0.
Toto Africa yenyewe pia ilihitaji ushindi katika mechi ya leo kuangalia kama inaweza kunusurika na kusalia kwenye ligi kuu Tanzania bara.
Wakati Toto wakipambana kupata ushindi wakajikuta wakichezea kichapo cha magoji 3-1 na kushuka daraja hadi ligi daraja la kwanza.
African Lyon nayo imeshuka daraja baada ya kubanwa ugenini na kutoka suluhu na Tanzania Prisons kwenye uwanja wa Sokoine mkoani Mbeya.
Lyon ndio ilikua timu ya kwanza kuifunga Simba msimu huu na kuondoka na pointi tatu, lakini mambo hayakuwa mazuri kwenye mechi zake za mwisho za ligi.

Tuesday, January 17, 2017

Shujaa Alphonce Simbu atua nchini!


· Asema kazi ndio imeanza.
· Atoboa siri ya ushindi wake…. Wingi wa wenzetu unawabeba!


WAWAKILISHI wa Tanzania katika mbio za 14 za Standard Chartered Mumbai Marathon Alphonce Simbu na mwanadada Magdalena Krispin,wamewasili nchini jana nakueleza furaha
ya ushindi.


Simbu akiwa mwenye furaha alitoboa siri nzito kuhusu ushindi wake ambapo alichukua nafasi ya kwanza akimtimulia vumbi mpinzani wake wa karibu Mkenya Joshua Kipkorir katika kundi la wakimbiaji wa nje.

Akizungumza mara baada ya kuwasili,Simbu alianza kwa kutoa shukrani kubwa kwa Watanzania wote ambao wamekuwa wakimuombea na kumtakia kila la heri.

“Kwa kweli nimefurahi sana kwa ushindi huu na siri kubwa ya ushindi wangu nikujituma na nawashukuru udhamini kutoka Multichoice Tanzania,"alisema .

Sunday, January 15, 2017

KAMATI YA UTENDAJI YA CAF IMEFIKIA HAPA KUHUSU MCHEZAJI LANGA LESSE BERCY

Kamati ya Utendaji ya Shirikisho la Mpira wa Miguu (CAF), limetoa nafasi ya mwisho kwa Shirikisho la Mpira wa Miguu la Jamhuri ya Congo (FECOFOOT) kumpeleka mchezaji Langa Lesse Bercy jijini Libreville, Gabon kwa ajili ya kipimo kipya cha MRI ili kutambua umri wake.
CAF limetaka FECOFOOT kumpeleka mchezaji huyo huko Libreville, Gabon ndani ya siku 10 zijazo kuanzia jana Januari 12, 2017.
CAF limepata kumwita mchezaji huyo mara mbili mwaka jana, na FECOFOOT imeshindwa kumpeleka kwa sababu mbalimbali wanazozijua FECOFOOT.
Kwa mujibu wa kanuni za mashindano ya kimataifa ya vijana wenye umri wa chini ya miaka 17, vijana waliohitajika kucheza ni wale wenye umri wa chini ya miaka 17.
Langa Lesse Bercy, amelalamikiwa na Shirikisho la Mpira wa Miguu Tanzania (TFF) kwamba amezidi umri hivyo kuhitajika kumpeleka kwani hakustahili kucheza hatua ya kufuzu kwa michuano hiyo ya Kombe la Mataifa ya Afrika kwa vijana.
Fainali za vijana zinatarajiwa kufanyika katika nchi nyingine itakayotangazwa hapo baadaye baada ya Madagascar kuondolewa kuandaa fainali hizo baada ya kubainika kutokamilisha baadhi ya taratibu.
Hii inatokana na ripoti ambayo CAF wameipata kutoka kwa wakaguzi wa maandalizi ya fainali hizo. CAF imefungua kandarasi ya kwa nchi wanachama wengine kuandaa fainali hizo. Mwisho wa kupokea maombi ni Januari 30, mwaka huu.
Kadhalika Kamati ya Utendaji ya CAF, imemteua Rais wa zamani wa TFF, Leodegar Chilla Tenga kuwania nafasi ya uwakilishi katika Shirikisho la Kimataifa la Mpira wa Miguu (FIFA).
Katika nafasi hiyo kutoka nchi za Afrika zinazozungumza Kiingereza, Tenga atachuana na Rais wa zamani wa Shirikisho la Mpira wa Miguu la Zambia, Kalusha Bwalya na Kwesi Nyantakyi wa Ghana.
Wengine waliopitishwa kuwania nafasi ya uwakilishi katika Kamati ya Utendaji ya FIFA kutoka nchi za Afrika ni Tarek Bouchamaoui wa Tunisia ambaye anaingia kwenye kundi la nchi zinazozungumza lugha za Kiarabu, Kireno na Kihispaniola.
Kwa nchi zinazozungumza lugha ya Kifaransa wamo Constant Omari Selemani wa DR Congo na Augustin Sidy Diallo wa Cote d’Ivoire wakati nafasi nyingine za wazi ihuhusisha mwanamke mmoja, wamo Almamy Kabele Camara (Guinea), Chabur Goc (South Sudan), Danny Jordaan (Afrika Kusini), Hani Abo Rida (Misri) na Lydia Nsekera (Burundi).

Friday, January 13, 2017

R. Kelly - The Storm Is Over Now - YouTube


KUFUZU AFCON 2019


Group L
-------------
Cape Verde
Uganda
Tanzania
Lesotho

Na hapa tutashindwa?
Image may contain: 11 people, people standing, stadium and outdoor 



Baada ya kusota kwa miaka kadhaa timu ya taifa ya Tanzania ‘Stars’kupangwa kwenye makundi magumu hatimaye CAF imeipa ahueni na kuipanga katika kundi L, kufuzu Fainali za Kombe la Mataifa ya Afrika mwaka 2019 nchini Cameroon pamoja na Uganda, Cape Verde na Lesotho.

Hili linaweza kuwa kundi rahisi zaidi Taifa Stars, kwani zote Uganda, Cape Verde na Lesotho ni timu ambazo zipo ndani ya uwezo wake – kikubwa ni maandalizi ni mshikamano wa Watanzania kama taifa.
Kenya pia itaanzia hatua ya makundi, ikiwa imepangwa Kundi F pamoja na Ghana, Ethiopia na Serra Leone, wakati Rwanda ipo Kundi H pamoja na Ivory Coast, Guinea na Afrika ya Kati (CAR).

Mshindi wa kila kundi atafuzu moja kwa moja AFCON ya 2019, wakati timu nyingine tatu zitakazomaliza nafasi ya pili na wastani mzuri zaidi ya nyingine zitafuzu kama washindi wa pili bora.

Michuano hiyo itaanzia kwa hatua ya mchujo, Raundi ya Awali itakayohusisha timu za Comoros, Djibouti, Madagascar, Mauritius, Sao Tome E Principe na Sudan Kusini.

Timu zitakazofuzu hapo zitaingia moja kwa moja kwenye makundi A, B na C kukamilisha idadi ya timu nne nne. Kundi Ab lina timu za Senegal, Equatorial Guinea na Sudan, B kuna wenyeji Cameroon, Morocco na Malawi na C kuna Mali, Gabon n Burundi.

Cameroon ikiongoza Kundi, mshindi wa pili atafuzu moja kwa moja na kama itashika nafasi ya tatu au ya nne, mshindi wa kwanza atafuzu moja kwa moja na mshindi wa pili atawania nafasi tatu za ziada za kufuzu kama mmoja wa washindi wa pili bora.

Hatua ya mchu itachezwa kati ya Machi 20 na 28 wakati mechi za kwanza za makundi zitaanza Juni 5 na 13, za pili Machi 19 na 27 2018, za tatu Septemba 3 na 11, 2018 za nne Oktoba 8 na 16, 2018 na za tano Novemba 5 na 13, 2018.
 
 

TBBF yatoa ongera kwa Mapinduzi Day jana


Thursday, January 12, 2017

watu wanaokufa kwa uvutaji wa sigara kuongezeka hadi watu milioni 8 kwa mwaka


Hali ya kiafya ya watu ambao wanavuta sigara inazidi kuwa mbaya baada ya Shirika la Afya Duniani (WHO) kutoa ripoti ambayo inaonyesha hivi karibuni kutakuwa na watu milioni nane ambao watakuwa wanakufa kila mwaka kwa sababu ya uvutaji sigara.
Vifo hivyo vimeripotiwa kuwa vitakuwa vikitokana na magonjwa ambayo watumiaji wa sigara wanakuwa nayo kutokana na matumizi ya sigara kuonekana kuongezeka ambapo kwasasa inakadiriwa kuwa zaidi ya Dola Trilioni moja kutumika kila mwaka kwa ajili ya kununua sigara.
“Vifo vya watu ambao wanatumia bidhaa ambazo zinatokana na tumbaku itapanda kutoka watu milioni sita hadi milioni nane ifikapo 2030, nchi ambazo zitaathirika zaidi ni zenye uchumi mdogo na wa kati,” ilisema ripoti hiyo.
Wataalamu wa afya wanasema kuwa bidhaa za tumbaku ni moja ya vitu hatari kwa afya na ambavyo vimekuwa vikisababisha vifo vya watu wengi lakini bado idadi ya watumiaji wake inazidi kuongezeka kwa kasi katika maeneo mbalimbali duniani.

Wednesday, January 11, 2017

Msome Mjengwa na Simulizi Za Kusisimua jinsi Mobutu alipokodi ndege ya wachawi


UGANDA, YAPIGWA 3-0

KIPA namba moja wa Uganda, Denis Onyango aliumia jana wakati timu yake ikifungwa mabao 3-0 na na mabingwa wa Afrika, Ivory Coast katika mchezo wa kirafiki Uwanja wa Chuo Kikuu cha New York mjini Abu Dhabi.
Pamoja na hayo, Onyango anatarajiwa kuwa fiti kabla ya mchezo wa kwanza wa Fainali za Kombe la Mataifa ya Afrika dhidi ya Ghana Januari 17  Uwanja wa Port Gentil, Gabon.
Kipa huyo wa Mamelodi Sundowns alianguka dakika ya 38 baada ya kuumia nyonga ya mguu wa kushoto.
Hata hivyo, akapatiwa matibabu na kurudi kumalizia dakika 45 za kipindi cha kwanza timu zikirudi vyumba vya kubadilishia nguo zikiwa hazijafungana, lakini mwanzoni mwa kipindi cha pili msaidizi wake, Robert Odongkara akachukua nafasi.
Denis Onyango aliumia jana na kuiacha Uganda ikifungwa mabao 3-0 na Ivory Coast katika mchezo wa kirafiki Abu Dhabi

Na Ivory Coast wakafanikiwa kupata mabao matatu kupitia kwa Jonathan Kodjia dakika ya 51, Wilfried Zaha dakika ya 58 na Serge Aurier dakika ya 72.
Akizungumza katika mahojiano maalum baada ya mchezo huo, Onyango alisema, “Ninatumaini kwamba nitakuwa fiti kabisa wakati wa mchezo na Ghana,".
Kwa sasa yupo chini ya uangalizi wa dawati la tiba la The Cranes linaloongozwa na Dk Ronald Kisolo na mchua misuli, Ivan Ssewanyana ambao wataendelea kumtazama kwa siku nne.
Onyango aliungana na kambi ya The Cranes Jumamosi mjini Dubai akitokea Abuja, Nigeria ambako alikwenda kuchukua tuzo yake Mwanasoka Bopra Anayecheza Afrika ya Shirikisho la Soka Afrika (CAF) 2016.
Anatarajiwa kuisaidia sana Uganda kufanya vizuri kwenye fainali hizi za Afcon 2017 ambazo ni za kwanza kwa Cranes tangu mwaka 1978 walipofungwa na Ghana 2-0 kwenye fainali mjini Accra.
Uganda itamenyana na Misri Januari 21 Uwanja wa Port Gentil kabla ya kukipiga na Mali kwenye mchezo wake wa kwanza wa Kundi D Januari 25.

Sabodo azungumza :Ukaribu wangu na Mwl. Nyerere uliokoa Taifa



 Mfanyabiashara maarufu, Mustafa Jaffar Sabodo
 Baba wa Taifa, Hayati Julius Kambarage Nyerere
Aliyekuwa Kiongozi wa Taifa la Iran, Ayatolah Khomein 
Mwandishi Wetu
HAKIKA ukitaja jina la Mustafa Jaffer Sabodo, siyo geni masikioni mwa Watazania wengi.
Hii ni kutokana na mchango wake kwa jamii katika kuliondoa taifa kutoka sehemu moja ya chini kwenda juu, yaani maendeleo.
Sabodo mfanyabiashara maarufu ambaye ni Mtanzania mwenye asili ya Asia amekuwa akitoa mchango kwa maendeleo ya Taifa katika nyanja mbalimbali kuanzia za uchumi, siasa, elimu, afya na maji.
Mfanyabiashara huyo ambaye ni mzaliwa wa mkoani Lindi takriban miaka 73 iliyopita amejitolea kujenga shule mbalimbali nchini, hospitali, visima vya maji hata kufadhili shughuli za kisiasa na kiuchumi.
Michango yake hiyo kwa jamii ya Watanzania, imefanya jina lake kuandikwa katika mioyo ya wananchi wengi kwani alidhirisha tabia yake isiyojificha ya uzalendo kwa Taifa lake Tanzania.
Sabodo anatajwa kuwahi kuvifadhili vyama vya siasa vya CCM na Chadema kwa nyakati tofauti.
Pia anatajwa kwamba alikuwa rafiki wa karibu wa Mwalimu Julius Nyerere na wanasiasa mbalimbali nchini hata kuwahi kutumwa kwenda nchini Iran kukutana na kuomba mafuta kwa aliyekuwa kiongozi wa taifa hilo la Kiislamu, Ayatolah Khomein katika miaka ya 1970 baada ya taifa kukumbwa na uhaba wa mafuta uliochagizwa na sababu mbalimbali ikiwamo ukosefu wa fedha za kigeni.
Hali hiyo ilitokea kipindi hicho wakati dunia ilikuwa bado ikishuhudia mgawanyiko kwa baadhi ya nchi kuegemea Marekani kisiasa na kimfumo, nyingine zikifuata mfumo wa iliyokuwa Muungano wa nchi za Kisovieti za Urusi (USSR).
Si hivyo tu kwa kusoma alama za nyakati, baadhi ya nchi zilikaa kando na utengano huo na kuanzisha Jumuia ya Nchi Zisizofungamana na Upande Wowote.
Miungoni mwa mataifa yaliyofuata siasa za kutofungamana na upande wowote, Tanzania wakati huo chini ya uongozi wa Baba wa Taifa Mwalimu Julius Nyerere ilikuwa mojawapo.
Tofauti hizo za kisiasa hata kidini kati ya mataifa zilisababisha athari zilizozaa tofauti ya hali hasa kiuchumi na kisiasa hata baadhi ya nchi kuingia kwenye mahangaiko ikiwamo Tanzania iliyokumbwa na uhaba wa mafuta ya Petroli na fedha za kigeni.
Sabodo anasimulia kwamba kufuatia hali hiyo iliyoilazimu Serikali kuzuia magari yake kutembea Jumapili huku Jumamosi yakitembea hadi saa nane mchana, alipata nafasi ya kukutana na Rais Nyerere.
Anasimulia kwamba katika mazungumzo hayo alimwabia Rais Nyerere haja yake ya kutaka kwenda Iran kuomba mafuta.
“Nikamwambia wacha niende Iran. Nilifanya hivyo nikiamini Khomein atanisikiliza. Nakumbuka nilikwenda na Chifu Adam Sapi Mkwawa,” anasema.
Anasimulia: “Mimi ni Khoja, Mwislamu wa dhehebu la Shia na Khomein pia, nilipokutana naye, nikamwambia wanaoteseka Tanzania kwa shida ya mafuta wamo piaWaislamu wa Shia wengi tu.”
“Nilimwambia Tanzania ni nchi nzuri haina ubaguzi na Rais Nyerere ni mtu mwema, hata Waziri Mkuu wake ni Rashid Kawawa na Waziri wa Madini na Mafuta ni Anoor Kassam, nikamwangukia miguuni nikiliaa kuomba aipe nchi yetu mafuta, akakubali” anakumbuka Sabodo.
Hata hivyo, anasema licha ya kukubali, Khomein  akasema hawezi kumpa mafuta yeye Sabodo hadi watu wa Serikali ya Tanzania watakapofika Iran kuthibitisha ombi hilo.
“Nikarudi Tanzania na kumpa taarifa baba wa Taifa naye alimwambia Kawawa na John Malicela ikakubalika tukaenda tena Iran safari hii nikiwa na mawaziri wa Fedha, Cleopa Msuya, Anoor Kassam wa Mafuta na Usafirishaji pia alikuwepo Peter Noni kwa niaba ya Benki Kuu na Adam Sapi Mkwawa,” anasema.
Sabodo anakumbuka kuwa safari hiyo ilizaa matunda kwani Khomein aliipa Tanzania mafuta yenye thamani ya Dola za Kimarekani 80,000.
“Nakumbuka hapo urafiki wangu na Nyerere uliniwezesha kuliokoa Taifa kwa kupata mafuta baada ya kunituma kwenda Iran nilipomshauri,” anasema Sabodo ambaye wazazi wake alizaliwa Lindi.
Anakumbuka kuwa pia katika safari hiyo alimshauri Khomein kufungua ofisi ya Ubalozi wa Iran nchini naye alikubali na alifanya hiyo pia kwa Zambia, Tanzania nayo ikafungua ubalozi Iran.
Don’t forget to read my book; CORRUPTION IS CRUCIFICATION OF TANZANIA, which is in process(P.T) .Inatoka http://www.mjengwablog.com/

DStv WAONGEZA NGUVU SHOO YA DIAMOND PLATINUM UFUNGUZI WA AFCON NCHINI GABON


dstv-nape
Waziri wa Habari, utamaduni, michezo na sanaa Kushoto,Diamond Platnumz katika pamoja na Kaimu Mkurugenzi wa Multichoice Tanzania bw.Salum Salum.
dstv-nape-6
Afisa Masoko wa Multichoice Tanzania Shumbana Walwa akiwa anaongea na waandishi wa habari hawapo pichani wakati wa kumkabidhi Diamond Platnumz bendera ya Tanzania kuelekea katika ufunguzi wa Afcon nchini Gabon.
dstv-nape-3
Meneja Masoko wa Multichoice Tanzania Bw.Alpha Joseph akimkalibisha Kaimu Mkurugenzi Salum Salum katika hafla ya utoaji wa Bendera kwa msanii wa Bongo Fleva Diamond Platnumz.
salum
Kaimu Mkurugenzi wa Multichoice Tanzania Bw.Salum Salum akimkaribisha mgeni wa tukio ambaye ni Waziri wa Habari,Utamaduni,Michezo na Sanaa Mh.Nape Nnauye hayupo pichani.
dstv-nape-1
Waziri wa Habri,Michezo,Utamaduni na Sanaa Mh.Nape Nnauye akiongea na waandishi wa habari wakati wa kumkabidhi Bendera Diamond Platnumz anayekwenda kwenye shoo ya Ufunguzi wa Afcon nchini Gabon.
dstv-nape-8
Msanii Diamond Platnumz akitoa shukruni kwa Serikali na DStv pamoja na waandishi wa habari kwa mchango wao pamoja na kuendelea kumsapoti kupitia kazi zake.
dstv-nape-5
Mh.Nape Nnauye akisalimiana na Msanii Diamond Platinum.
dstv-nape-7
Msanii wa vichekesho nchini Tanzania JOTI ambaye pia ni balozi wa Kifurushi cha DStv Bomba ambacho kitarusha moja kwa moja Michuano ya Afcon akitoa pongezi kwa Kampuni ya Multichoice Tanzania.
dstv-nape-4
Waziri wa Habari,Utamaduni,Michezo na Sanaa Mh.Nape Nnauye katika akiwa na balozi wa kifurushi cha Bomba Joti kulia pamoja na Kaimu Mkurugenzi wa Multichoice Tanzania Bw.Salum Salum kushoto wakiteta jambo.
dstv-nape-11
Baadhi ya Waandishi waliohudhuria tukio hilo wakiwa katika majukumu yao ya kuchukua picha.
dstv-nape-13
Msanii Diamond Platinum akiwa na bendera baada ya kukabidhiwa na Serikali tayari kuelekea kwenye ufunguzi wa Michuano ya Afcon inayoanza Jumamosi ya Januari 14.
dstv-nape-12
Wafanyakazi wa Multichoice Tanzania wakiwa kwenye picha ya pamoja na Waziri Nape Nnauye pamoja na Msanii Diamond Platinum.
PICHA NA MO DEWJIBLOG.
Kuelekea katika Ufunguzi wa Michuano ya Kombe la Mataifa barani Afrika ‘AFCON’ Kampuni ya Multichoice Tanzania kupitia Kifurushi cha DStv Bomba imetoa tiketi sita kwa vijana wa Msanii wa Bongo Fleva,Naseeb Abdul ‘Diamond Platinum kwenda kushuhudia ufunguzi huo.
Ufunguzi huo wa michuano hiyo mikubwa Afrika, inatarajiwa kufanyika Januari 14, mwaka nchini huko ambako Dimaond amealikwa kwenda kutuimbuza.
Waziri wa Habari, Utamaduni, Sanaa na Michezo, Nape Nnauye alimkabidhi bendera ya taifa, Diamond kwa ajili ya kwenda kuipeperusha vyema Tanzania katika ufunguzi huo.
“Kikuweli nimpongeze Diamond kwa mwaliko alioupata wa kwenda kutumbuiza kwenye michuano mikubwa Afrika ya Afcon, siyo kitu kidogo kwake, ni nafasi ya yeye kujitangaza zaidi kimataifa, ninaamini wapo wasanii wengi wazuri Afrika, lakini kachaguliwa yeye hivyo anastaili pongezi,” alisema Nape.
Nape ndiye aliwaomba DStv kujitokeza na kudhamini safari ya wachezaji shoo wa Diamond na baadhi ya watu wa timu yake kwenda Afcon ili kuhakikisha anafanya shoo ya uhakika zaidi.Akizungumza na Waandishi wa Habari, Kaimu Mkurugenzi Mtendaji wa DStv, Salum Salum alisema wametoa tiketi hizo kwa Diamond kwa lengo kukuza na kuendeleza vema tasnia ya filamu.“Tunathamini tasnia ya sanaa nchini kwa kupitia muziki na filamu, hivyo basi katika kutambua hilo tumetoa tiketi sita kwa kundi la WCB chini ya msanii Dimaond kwa ajili ya kwenda kwenye uzunduzi wa Afcon huko Gabon.
“Tumempatia tiketi hizo, baada ya kuomba udhamini wa tiketi hizo kwa ajili ya vijana wake sita atakaombatana nao kwenye shoo hiyo na kikubwa tunataka kuona Diamond anafunika ili atauwakirishe vema,” alisema Salum.DStv, ndiyo itaonyesha michuano hiyo mikubwa ya kimataifa kwa kifurushi chake cha bei cha chini kabisa kitakachopatikana kwa Shilingi 19, 975 tu.(P.T)

Friday, January 6, 2017

Wolper atumia Instagram kumpiga chini Harmonize




Wasahau tena Jacqueline Wolper na Harmonize aka ‘WoHa’ama vyovyote ulivyokuwa ukiwaita pamoja. Ni kwasababu Wolper amembwaga rasmi hitmaker huyo wa Bado tena kupitia Instagram. Hata hivyo post hiyo haikuweza kukaa kwa muda mrefu – imefutwa, japo wapo waliowahi kuinasa mapema.
Kwenye post hiyo iliyokuwa na picha ya Harmonize pamoja na emoji za alama ya kopa iliyopasuka, Wolper ameandika: Nina akili timamu me syo mtoto mdogo, endelea na maisha yako it over waambie rasmi usifiche @harmonize_tz i hate love.”
Looks like Harmonize kauvunja moyo wa Wolper kiasi cha kuamua kuyachukia mapenzi kiasi hicho!

Monday, January 2, 2017

Soma hapa Kinachokwamisha Collabo ya Lady Jay Dee na Diamond



Mkongwe katika anga la bongo fleva, mwanadada Judith Wambura a.k.a Lady Jay Dee amesema yuko tayari kufanya kazi na staa wa muziki huo Diamond Platnumz, endapo atahitaji lakini kinachoweza kukwamisha ni ratiba yake ya kazi.


Jay Dee amelazimika kutoa kauli hiyo kutokana na kuongezeka kwa minong'ono kuwa wawili hao wanakwepana, na hawataki kufanya kazi kwa pamoja, ambapo amekuwa akikabiliwa na mambo mengi kwenye ratiba yake.

Akiwa katika Kitengo ya Planet Bongo ya EATV, Jay amesema hana tatizo na msanii yoyote nchini na yuko wazi wakati wowote, lakini akasita kutaja ni wakati gani atafanya kazi na Diamond.

"Kwa sasa nina ratiba za mambo mengine, lakini akinihitaji niko tayari na tutafanya kazi wakati muafaka nikiwa na na nafasi" Alisema Jay Dee.

Mwezi Novemba mwaka jana, Diamond alipozungumza na EATV kuhusu suala hilo alisema yuko tayari kufanya kazi na mwanadada huyo, lakini tatizo ni kubanwa na ratiba ambayo imekuwa haimpi nafasi.

Kwa kauli hizo, sasa ni dhahiri kuwa wawili hao hawana shida kufanya kazi pamoja lakini huenda wanaogopana, huku kila mmoja akisubiri mwenzake amuanze, maana hadi sasa hakuna ambaye ameomba kufanya kazi na mwezake huku wote wawili wakidai kukwamishwa na ratiba ya kazi zao.

Disco la Flavour Nite Mzalendo Pub latikisa mkesha wa mwaka mpya



 Wadau wajiachia katika kuupokea  mwaka mpya  Flavour Nite
 Dar ilivyotikiswa katika mkesha wa mwaka mpya na Dj Mwenye heshima kubwa nchini Bonny Luv

Fideline Iranga ajichanganya na ...... katika kuupokea mwaka 2017 ndani ya  Flavour Nite

Asha Baraka:Najipanga kuwaachia vijana muziki niingie kwenye siasa

Mkurugenzi na mmliki wa bendi kongwe ya muziki wa dansi nchini Twanga Pepeta, Asha Baraka amedai yupo mbioni kuachana na maswala ya muziki na kujikita kwenye siasa.

Asha Baraka
Asha Baraka amedai tayari ameshafanya kazi kubwa kwenye muziki wa dansi na muda huu ni kwa ajili ya vijana na yeye aingie kwenye siasa.
“Muziki unakuwa kwa kasi sana japo kuwa bado kuna changamoto nyingi kama unavyojua, media nyingi hazipigi nyimbo za muziki wa bendi kwa uwiano sawa na nyimbo za aina zingine za muziki. Kwa hiyo media zibadilike kwa sababu sisi wengine tunajipanga kuwaachia vijana na kuingia kwenye siasa,” Asha Baraka alikiambia kipindi cha NFL cha EATV.
Pia alisema anaamini wizara yenye dhamana na maswala ya burudani itafanya juhudi za kusaidia kuurudisha muziki wa dansi katika chati kwa mwaka 2017.

Wednesday, December 28, 2016

Wanaume watanashati vyuo vikuu watakiwa kujiunga kumsaka Mr.Handsome


Na Mwandishi Wetu


SHIRIKISHO la Ujenzi wa Mwili Tanzania (TBBF) limesema kuwa  limeanza

kuimiza wanafunzi wa vyo vikuu nchini kujiunga na kushiriki katika shindano la

kumsaka Mr.Handsome .


TBBF mara baada ya kuwa imezindua shindano hilo hivi karibuni hivi sasa 
wanafunzi wanaotaka kujiunga kwa  kutumia mtandao wa www.tztbbf.org

nakisha kubonyeza sehemu ya shindano kuchagua sehemu wanayotaka

kushiriki.

Akizungumzia hatua ya shindano hilo mmoja wa wasemaji wa shindano hilo

Fike Wilson  alisema jana kuwa mara baada ya washiriki kuingia katika mtandao

huo washiriki wanatakiwa kuandika jina kamili,Anuani , namba ya simu na

anuani ya barua pepe.

Alisema kama mshiriki atakuwa amefuata maelekezo hayo na kujiandikisha kwa

ufasaha basi baadaya atapokea ujumbe  kwa njiaya barua pepe aliyoitoa hivyo

washiriki wanatakiwa kuhakikisha wametoa anuani sahihi ya barua pepe.

"Washiriki wakati wa kutumia parua pepe watatakiwa kuambatanisha  walau si

chini ya picha nne na zisizidi saba  wakiwa kwenye mikao tofauti wakat

watakapokuwa wanatumia kitufe cha kujiandikisha,"alisema Fike.


Fike alisema  kuwa mshiriki atajiunga kwa kuingia katika mtandao wao  

www.tztbbf.org kujiunga atalipia pesa ajili ya chahuo lake  imwe ni shindano la 

Mr.Handsome ,Mr.Photogenic au Mr .Tanzania kwani shindano lolote lile

atakalochagua atalipia kupitia tigo pesa , Mpesa aku kupitia benki kwa namba 

na vielelezo vilivyo tolewa nakuwa mtumiaji atapokea namba na vielelezo

vilivyo tolewa.

Aidha alisema TBBF ikishirikiana na Pili Pili Entertainment LTD  ndio

waandaaji wa  mashindano ya Mr Tanzania kwa mwaka 2017 ambapo

mashindano ya Mr. Tanzania yatawakutanisha  watunisha misuli wote wa

Taznania bara na visiwani pamoja kwa ajili ya shindano hilo  lenye hadhi kubwa

nchini .

Pia alisema kilele cha fainali za mashindano haya kitafanyika siku ya june 30

mwakani 2017 jijini Dar es salaam , ambapo  mshindi wa shindano la Mr.

Tanzania atawakilisha nchi kwenye mashindano ya Mr Africa , Mr Universe na

Mr  World  Novemba 2017.


Msemaji huyo ambaye pia yupo ndani ya dawati la ufundi la mchezo huo ,

alisema Kwa mara ya kwanza tangu kuazishwa kwa mashindano miaka ya tisini,

wajenga mwili watajiunga na kujiandkisha kupitia Gym na vilabu vya mazoezi

ya viungo tu kwa wanaoshindania taji la kimataifa la Mr. Tanzania.

Fike alisema uhamuzi huo umefanywa na kamati ya mashindano ya TBBF ili

kukuza na kuziwezesha utamaduni wa kufanya mazoezi ya Gym Tanzania.

Vigezo vya Mr Tanzania vitafanana vya vile vinavyotumika kwa Mr Afrika, Mr

World na Mr. Universe.





TBBF imesema imeanza kuingia katika vyo vikuu nchini katika kuwapa

maelezo wanafunzi wanaotaka kuwa Mr.Handsome ambapo tayari wao kama

waandaaji wameanza kugawa katika vio hivyo vipeperushi vinavyoonesha

namna ya kujionga shindano hilo.

Mwishoo.

Tuesday, December 27, 2016

KRC Genk yamfungashia virago Kocha wake



Boxing day yako imekujaje leo? basi kwa kocha Peter Maes imekua mbaya kwasababu kibarua chake kimeota nyasi kwenye club ya KRC Genk leo.

Habari kutoka kwenye tovuti maalum ya club ya KRC Genk imetoa taarifa kuhusu kumaliza ushirikiano na kocha huyu baada ya kuanza kuifundisha club hii tangu msimu wa 2015/2016.

Kocha huyu alianza majukumu ya kuifundisha club ya Genk mwaka 2015 hivyo basi ndiye kocha wa kwanza kumpokea Mbwana Samatta kwenye soka la Ulaya.

Genk wamemtakia maisha mema kwenye majukumu yake mengine na maisha baada ya Genk.